Jun

8

MysQL Slow Queries

8 June 2008 | 6 تعليقات

كلمتين في المفيد كل شويه يجيلي عميل معاه سيرفر وعليه برامج برمجه خاصه وطبعا ماشاء الله البرمجيات العربيه روعه لا لود ولا يحزنون وببقى عايز اعرف هوه فيه ايه انهو استعلام ابن ناس طيبين هوه الي جايب الصداع ليه بقوم بفعل خاصيه في الماي سكول وهيه تسجيل الاستعلامات التي تقضي وقت اكبر من x ثانيه في اللوج ومعنى ذلك انه الاستعلام ابن الحلال ده هوه السبب في اللود او البطء

نشوف بقى ايه الحوار يا قوم

1 ندخل السيرفر كمستخدم root

2 باستخدام المحرر المفضل لديك انا مستخدم vim بس اعرف اني كله بيحب pico يبقى ما علينا بيكو بيكو

نقوم بتحرير ملف اعدادات الماي سكول كالتالي

pico /etc/my.cnf

بعدين بقى نضع الاعدادات المطلوبه داخل الكونفج

ملحوظه داخل جزئيه [mysqld]

log-slow-queries = /var/log/mysql-slowq.log

long_query_time =4

ملحوظه يمكنك تغيير اسم الملف الى ما تحب وكذلك تغيير التوفيت الذي بعده يعتبر الاستعلام بطيء ويتم تسجيله

ثم نقوم بالحفظ

CTRL+X and Y

نقوم بانشاء ملف اللوج

touch /var/log/mysql-slowq.log

ملحوظه استخدمنا امر touch لعمل الملف

نقوم بتغيير صلاحيه الملف والجروب

chown mysql.root /var/log/mysql-slowq.log

ريستارت في السريع

service mysql restart

تابع الان براحتك

اقتراحات للمتابعه

cat /var/log/mysql-slowq.log
tail /var/log/mysql-slowq.log
tail -60 /var/log/mysql-slowq.log

بعد ما تلاقي الاستعلام اتعامل بقى عدله شيله اي حوار وبعدين اقفل موضوع تسجيل الاستعلامات ده عشان ممكن يبطىء الماي سكول شويه

وده بانك تفتح نفس الملف وتضيف قبل كل سطر علامه #

وهيكون بالشكل التالي

#log-slow-queries = /var/log/mysql-slow.log

#long_query_time = 3